Mba'étepa, guyrami, nemoñe’ẽ asyetéva
Oimépiko ne irûkuéra okañy mba'e ndehegui
Che aveíko cheañomi aréma aikove ko'ápe
Che rembiayhu kañyhápe ohova'ekue chehegui
Ejúntena, guyrami, eguejy ko’a che ypy pe
Chemoirû mba’embyasýpe, consuelomi tareko
Hetaitéma ajahe'o che irûmi pore'ỹnguépe
Opa chepáy ha cheképe oikóva chembo'ãho
Terehóna, guyrami, reheka che rembiayhúpe
Ha erahami nde jurúpe ñe'êmi chupeg̃uarã
Ere chupe toikuaa aikohántema aikóvo
Jepiguáicha aha'ãrõvo oujeýrõ g̃uarã
Ha'éko oimeva’erã umi ysyry porãre
Oiko ha'eño iñakãre, ha oimémane hesaite
Chupéko aherova'ekue “che panambi ñañaité”pe
Peteî che pore'ỹnguépe cherejáre reiete