Dicitencello Vuje
Dicitencello a 'sta cumpagna vosta
ch'aggio perduto 'o suonno e 'a fantasia...
ch''a penzo sempe,
ch'è tutt''a vita mia...
I' nce 'o vvulesse dicere,
ma nun ce 'o ssaccio dí...
'A voglio bene...
'A voglio bene assaje!
Dicitencello vuje
ca nun mm''a scordo maje.
E' na passione,
cchiù forte 'e na catena,
ca mme turmenta ll'anema...
e nun mme fa campá!...
Dicitencello ch'è na rosa 'e maggio,
ch'è assaje cchiù bella 'e na jurnata 'e sole...
Da 'a vocca soja,
cchiù fresca d''e vviole,
i' giá vulesse sèntere
ch'è 'nnammurata 'e me!
'A voglio bene...
'A voglio bene assaje!
Dicitencello vuje
ca nun mm''a scordo maje.
E' na passione,
cchiù forte 'e na catena,
ca mme turmenta ll'anema...
e nun mme fa campá!...
Na lácrema lucente v'è caduta...
dicíteme nu poco: a che penzate?!
Cu st'uocchie doce,
vuje sola mme guardate...
Levámmoce 'sta maschera,
dicimmo 'a veritá...
Te voglio bene...
Te voglio bene assaje...
Si' tu chesta catena
ca nun se spezza maje!
Suonno gentile,
suspiro mio carnale...
Te cerco comm'a ll'aria:
Te voglio pe' campá!...
Tell Her
Tell her about this girl of yours
that I've lost my dreams and my imagination...
that I always think of her,
that she's my whole life...
I wish I could say it,
but I don't know how to...
I love her...
I love her so much!
Tell her for me
that I’ll never forget her.
It's a passion,
stronger than a chain,
that torments my soul...
and won't let me live!...
Tell her she's a May rose,
that she's way more beautiful than a sunny day...
From her lips,
much fresher than violets,
I already want to hear
that she's in love with me!
I love her...
I love her so much!
Tell her for me
that I’ll never forget her.
It's a passion,
stronger than a chain,
that torments my soul...
and won't let me live!...
A shining tear has fallen from you...
tell me a little: what are you thinking?!
With those sweet eyes,
you only look at me...
Let’s take off this mask,
let's speak the truth...
I love you...
I love you so much...
You're the chain
that will never break!
Gentle dream,
my carnal sigh...
I search for you like air:
I want you to live!