Dicitencello Vuje
Dicitencello a 'sta cumpagna vosta
ch'aggio perduto 'o suonno e 'a fantasia...
ch''a penzo sempe,
ch'è tutt''a vita mia...
I' nce 'o vvulesse dicere,
ma nun ce 'o ssaccio dí...
'A voglio bene...
'A voglio bene assaje!
Dicitencello vuje
ca nun mm''a scordo maje.
E' na passione,
cchiù forte 'e na catena,
ca mme turmenta ll'anema...
e nun mme fa campá!...
Dicitencello ch'è na rosa 'e maggio,
ch'è assaje cchiù bella 'e na jurnata 'e sole...
Da 'a vocca soja,
cchiù fresca d''e vviole,
i' giá vulesse sèntere
ch'è 'nnammurata 'e me!
'A voglio bene...
'A voglio bene assaje!
Dicitencello vuje
ca nun mm''a scordo maje.
E' na passione,
cchiù forte 'e na catena,
ca mme turmenta ll'anema...
e nun mme fa campá!...
Na lácrema lucente v'è caduta...
dicíteme nu poco: a che penzate?!
Cu st'uocchie doce,
vuje sola mme guardate...
Levámmoce 'sta maschera,
dicimmo 'a veritá...
Te voglio bene...
Te voglio bene assaje...
Si' tu chesta catena
ca nun se spezza maje!
Suonno gentile,
suspiro mio carnale...
Te cerco comm'a ll'aria:
Te voglio pe' campá!...
Dis-le à ta copine
Dis-le à ta copine
que j'ai perdu le sommeil et la fantaisie...
que je pense toujours à elle,
qu'elle est toute ma vie...
Je voudrais le lui dire,
mais je ne sais pas comment...
Je l'aime...
Je l'aime tellement !
Dis-le à ta copine
que je ne l'oublierai jamais.
C'est une passion,
plus forte qu'une chaîne,
qui tourmente mon âme...
et qui ne me laisse pas vivre !...
Dis-le qu'elle est une rose de mai,
qu'elle est bien plus belle qu'une journée ensoleillée...
De sa bouche,
plus fraîche que les violettes,
j'aimerais déjà sentir
qu'elle est amoureuse de moi !
Je l'aime...
Je l'aime tellement !
Dis-le à ta copine
que je ne l'oublierai jamais.
C'est une passion,
plus forte qu'une chaîne,
qui tourmente mon âme...
et qui ne me laisse pas vivre !...
Une larme brillante est tombée...
dites-moi un peu : à quoi pensez-vous ?!
Avec ces yeux doux,
vous me regardez seule...
Enlevons ce masque,
disons la vérité...
Je t'aime...
Je t'aime tellement...
C'est toi cette chaîne
qui ne se brise jamais !
Rêve délicat,
soupir de mon désir...
Je te cherche comme l'air :
Je t'aime pour vivre !...