Aggio cunsumato tutt e ponte d e matite pe scrivere 'e nomme 'e chi m'ha tradito
È fernuto 'o quaderno 'nvece pe chille llà ca m'hanno ancora 'a tradí
Pecché forse da ll'ultima vota nun m'aggio 'mparato a capí
E manco a tradí chi m'ha appena tradito
Nun ce sta 'a luce 'int'ô core 'e chi, nun cumbatte pe almeno na vota 'int'â vita
'O core riscalda na persona pe terra ca nn'se move e fa friddo
'O juorno ca Ddio me concede nu minuto sulo i' e isso 'a vicino
Quando succederà, me scordaraggio tutte cose, 'o guardo sulo e sto zitto
Chissà addò steva scritto, anzi, no, chi l'ha scritto
E, si nun c'esse riuscito, cu chi stesse riunito
Ah, 'o dolore m'è frate, 'o surriso m'è figlio
Tutt a vita mia è longa, ne aggio vissute cinche
Nisciuno vò bbene a mammà comme 'a vò bbene patemo, manco i'
Nisciuno vò bben a me comme me vò bbene mammema, sulo i'
Nisciuno a me m'ha ditto: Bravo primma ca era evidente
I' nun perdo, me 'mparo
L'inchiostro me copre tutt o corpo
Nun veco nemmanco cchiù 'e pile oltre 'e ferite
'Int'â guerra i' nun stongo in pericolo, songo 'o riparo
I' songo Genesi, primo capitolo, primo versetto, chillo â primma riga
I' songo 'a porta, so' 'a chiave
I' songo 'o primmo d e cchiù fortunate
Sì, ca ce l'ha fatta, però c'ha pruvato
A fratemo desse tutte cose in regalo pe quanto è cuntento ca ce l'aggio fatta
E ancora nn'è detto: Ca ce l'aggio fatta
'O core se ferma pe quatto siconde si penzo ca 'o perdo e nn o veco dimane
Nu guaglione se sceta e nun tene dimane
E nn'ce vene nemmanco 'e mannà nu messaggio
Pecchè nn'tene nemmanco a chi c'ha dda mannà nu messaggio
Me dà pure 'o diritto a me ca 'o posso raccuntà
Ma che ffa'? 'O dolore nn'se leva, t'abitua
Ogni tanto t'è pure cumpagno 'int'â vita
È na luce 'int'ê ccose cchiù finte
Ma è nu muro 'int'ê ccose ca t'iss a tené
Ê vote me chiedo se è overo ca 'e stelle in realtà nun esistono cchiù
E nn'è overo che 'e sorde nn'te fanno felice
Nn o penzà a Manuele
Chillo nn'capisce niente, è sulo nu pezzente sagliuto
Ca mo sta 'mmiez'ê ricche e vò fa vedé ca ce piace 'stu rilogio
Ma nn'capisce niente
Sta a Montecarlo p a Formula 1 e nun sape nemmanco si vanno a benzina
Nn o penzà, è nu povero Dio
I' 'o conosco bbuono ca è comme fosse i'
Comme fosse i'
No, no, no
No, no, no
Ah
No, no, no
No, no, no