Lacreme Napulitane
Mia cara madre,
sta pe' trasí Natale,
e a stá luntano cchiù mme sape amaro....
Comme vurría allummá duje o tre biangale...
comme vurría sentí nu zampugnaro!...
A 'e ninne mieje facitele 'o presebbio
e a tavula mettite 'o piatto mio...
facite, quann'è 'a sera d''a Vigilia,
comme si 'mmiez'a vuje stesse pur'io...
Rit.E nce ne costa lacreme st'America
a nuje Napulitane!...
Pe' nuje ca ce chiagnimmo 'o cielo 'e Napule,
comm'è amaro stu ppane!
Mia cara madre,
che só', che só' 'e denare?
Pe' chi se chiagne 'a Patria, nun só' niente!
Mo tengo quacche dollaro, e mme pare
ca nun só' stato maje tanto pezzente!
Mme sonno tutt''e nnotte 'a casa mia
e d''e ccriature meje ne sento 'a voce...
ma a vuje ve sonno comm'a na "Maria"...
cu 'e spade 'mpietto, 'nnanz'ô figlio 'ncroce!
Rit.E nce ne costa lacreme st'America
a nuje Napulitane!...
Pe' nuje ca ce chiagnimmo 'o cielo 'e Napule,
comm'è amaro stu ppane!
Mm'avite scritto
ch'Assuntulella chiamma
chi ll'ha lassata e sta luntana ancora...
Che v'aggi''a dí? Si 'e figlie vònno 'a mamma,
facítela turná chella "signora".
Io no, nun torno...mme ne resto fore
e resto a faticá pe' tuttuquante.
I', ch'aggio perzo patria, casa e onore,
i' só' carne 'e maciello: Só' emigrante!
Rit.E nce ne costa lacreme st'America
a nuje Napulitane!...
Pe' nuje ca ce chiagnimmo 'o cielo 'e Napule,
comm'è amaro stu ppane!
Lágrimas Napolitanas
Mi querida madre,
está llegando la Navidad,
y al estar tan lejos me sabe amargo...
¡Cómo quisiera encender dos o tres velas...
¡cómo quisiera escuchar a un zampullero!...
Hagan mi cuna en el pesebre
y en la mesa pongan mi plato...
hagan, cuando llegue la Nochebuena,
como si estuviera entre ustedes también...
Estribillo
Nos cuestan lágrimas esta América
a nosotros napolitanos!...
Para nosotros que lloramos el cielo de Nápoles,
¡qué amargo es este pan!...
Mi querida madre,
¿dónde están, dónde están los dineros?
Para los que lloran por la Patria, no soy nada...
Ahora tengo algunos dólares, y me parece
que nunca he sido tan pobre!...
Me paso todas las noches en mi casa
y escucho la voz de mis hijos...
pero ustedes me ven como a una