Wochenmaat En Kölle

Alle:
Joht ens met uns spaziere
Om Wochemaat en Kölle, om Wochemaat en Kölle
Jeschrei, Jeschrei es do ze hüre
Vun Stemme, dat et wih deit.

Stimme
1 Dä ein röf he, dä ein röf do, dä andre he, dä andre do
2 Dä ein röf he, ahl Schohn, ahl Schohn, ahl Schohn
3 Dä ein röf he, dä ein röf do, dä andre he, dä andre do
4 Quark, Milch, Quark, Milch, Quark, Milch, Quark, Milch, dä andre do

Alle:
Jeder bröllt sich de Lung fass us dem Hals rus,
Kei Wood mer mih versteit, weil't durchenander jeit

Stimme
1 Zuppejröns, Zuppejröns, Äppele, decker als die vun nem Päd
2 Limburger Kies, rüch doch janit fies - schön durch
3 Ich han ahl Schränk, Eckbänk, Schohschränk, Schränkwäng
4 Zitrone, Banane, Rhabarber, Kohlräbche, Radiesje

Alle:
Un bei su nem Verkehr weed munter krütz un quer
Jemütlich de Schnüss jeschwad
Om Wochemaat en Kölle

Stimme

1 Äppele deck un rut, Wingdruwe söß us Italien
Prumme, Prumme, Prumme, Prumme, Prumme,
Prumme, Prumme
1A Endivien, 1A Endivien, 1A Endivien
2 Ahl Säu, ahl Säu, ahl Säu
ming Tomate sin besser, ming Tomate sin besser
kummen direk us Spanien, kummen direk us Spanien
deck wie Kinderköpp
3 Holzwurm dren, kann nit sin, Lack es hin
bellich, bellich nur eimol op Lager
Zällt, zällt, ihr spart 'ne Haufe Jeld
4 Flönz, Kappes und Schauve
Flönz, Kappes und Schauve
Flönz, Öllich, Flönz, Öllich
un Herring, un Herring
alle us d'r Nordsee, us d'r Nordsee
alle us d'r Nordsee, us d'r Nordsee
jesalze, jesalze

Alle:
Wä kann et am lauteste
Wä schreit am längs, jo wä

Dot kaufe, dot kaufe, stellt üch nit an
Dot kaufe, dot kaufe, doch packt nix an
Dot kaufe, dot kaufe un hald üch dran
Domet m'r Jeld em Büggel han
Mir Wolle bald op heim an jon

Wä kann et am lauteste
Wä schreit am Längs, jo wä