Euze Limburgsen Hiemel

Es alle ingele vertrèkke oet d'n hiemel
En Petrus gans verkleid steit aon zien poort
Daan is 't leve us hei heilig
Heet Vastelaovend weer 't allerhoegste woord
Want dao bove wèt me ouch tot 't hei good is
Zoe mèt 't oug altied geriech op zonnesjien
'T is toch 't zaoligste geveul mèt Vastelaovend
In euzen Limburgsen hiemel te zien

Get veur de Vastelaovend goon de ingele op pad
Ze zeuke daan naor stöfkes die ze noets höbbe gehad
Mèt ingelegedöld weurt hel gewerrek eder jaor
Op tied zien daan de sjoenste pèkskes klaor
In mie es doezend kleure goon ze zingenteer op weeg
En löp de gansen hiemel leeg

Es alle ingele vertrèkke oet d'n hiemel
En Petrus gans verkleid steit aon zien poort
Daan is 't leve us hei heilig
Heet Vastelaovend weer 't allerhoegste woord
Want dao bove wèt me ouch tot 't hei good is
Zoe mèt 't oug altied geriech op zonnesjien
'T is toch 't zaoligste geveul mèt Vastelaovend
In euzen Limburgsen hiemel te zien

Wee moojerziel allein blijf is deen er'me Slivvenhier
Bekiek ziech al zien ingele, verbaas ziech kier op kier
Kontent loert heer nao ónder, krijg de kriebels in zien blood
En zeet: Zoe is 't fijn, zoe is 't good!
Dee wereld vaan plezeer is toch 't levende bewies
Vaan us eige paradies!

Es alle ingele vertrèkke oet d'n hiemel
En Petrus gans verkleid steit aon zien poort
Daan is 't leve us hei heilig
Heet Vastelaovend weer 't allerhoegste woord
Want dao bove wèt me ouch tot 't hei good is
Zoe mèt 't oug altied geriech op zonnesjien
'T is toch 't zaoligste geveul mèt Vastelaovend
In euzen Limburgsen hiemel te zien