'Nha Terra Natal

Juventudi musidadi
É un ben nun sértu idadi
Ki so dipos di perdidu é sonhadu, pretendidu
Suspiradu ku sodade

Nu ka di kes ki dexa pasa pa nos sen sinal
Nos ténpus foi ben pasadu
Ben vividu, ben gozadu na nos téra sen igual
Nos ténpus foi ben pasadu
Ben vividu, ben gozadu na nos téra sen igual

Praia, nha téra natal
Di nha mundu kapital
Ku si pobréza o rikéza
Nh'amor pa el é un sertéza
Ate sénpre, ate final

Praia, nha téra natal
Di nha mundu kapital
Ku si pobréza o rikéza
Nh'amor pa el é un sertéza
Ate sénpre, ate final

Oi, sodadi, sodadi txeu
Di uns distantis kretxeu
Maradu na nos lenbransa
El ta da-nu konsolansa
El ta bai ku nos pa séu

Kes noti sábi di luar
Di kriolas di nkantar
Di serenatas sen par
Di konstantis festejar
Te na saudozu London Bar
Di serenatas sen par
Di konstantis festejar
Te na saudozu London Bar

Praia, nha téra natal
Di nha mundu kapital
Ku si pobréza o rikéza
Nh'amor pa el é un sertéza
Ate sénpre, ate final