Brilha (feat. Raptor MC)

Bu ka prisisa di muda bu kor o ton di peli
Gosta di bu kabesa di manera ku sedu
Preta nok ku kil bu udjus di mel
Bu kabelu i seta kil ku sedu
Ka bu dixa e pu en baxu prinsesa afrikana
E misti tene bu kurpu valoriza bu raizis mana
Kin k kobau i inveja tapa oredja ka bu kudi
I misti sedu suma bo i tenta i ka konsigui
Abo i ka fidju di skravus abo i neta di rainha
Opinion di utrus ka bu pudi pui bu sinti vergonha
Bu auto estima pudi sedu bu mindjor remediu
Ma si sta en bachu mana i sedu pior venenu
Sin silikoni ku sirurjia bu tene tudu en dia
Sin pinta sin makia bu peli foi sempri fina
Neta di Okinka Pampa, fidju di Titina Sila
Mesmu sin tisajen abo bu padidu pa brilha

Djuridjuri o krespa ka bu acha bu sta feia
Kordia ku linha kata faxiu menus strela
Bonita di lembrensi bofi o potika
I sta nganadu kin k fala bu beleza sta na peruka
Pratikamenti bu padidu ku silikoni
Tudu na bo farta bu kurpu ka ta sinti fomi
Mostra bu atitudi, mostra bu negritudi
Koitadi i kil omis ku tene krizi di identidadi
Kabelu bedju ta kombina ku kil bu saia budjugu
I ka kolan o disfriza ku ta faxiu ganha bu djugu
Si bu na ianda tudu na bo ta balansa
Abo i alteza bu padidu ku koroa fiansa
Ninguin ka ta rizisti odjau di afru
Kak ki bu kulpa si alguin tene mau gostu
N' ka sta so na ngabau na konta k ku sedu
Bu pudi konkista mundu, sigui en frenti sin medu