Net Get Te

Wie-s doe hie binnekwooms veulde ich 't in mien ganse lief
Doe keeks mich aan det ich dach: oh, waat 'n prachtig wief
En ouch al bon ich d'r neet op oet, doe zits sjteeds naeve mich
En waat ich veul mein ich ouch te zeen in dien gezich

Want veur lache allebei net get te hel
Kieks se mich weer net get te lang aan: kippevel
Veur danse allebei net op dae randj
Det veur net nog kinne zegke: zo maar, nieks aan de handj

Toevallig zek des toe noe ouch hie bos
Zo 't toevallig zeen, zek, det ich mein det ich dien wang net get langer
kos
Toevallig zek det veer weer bie-ein komme te sjtaon
En ouch toevallig, zek, des doe noe weer neet nao hoes wils gaon

Want veur lache net get te hel
Kieks se mich weer net get te lang aan: kippevel
Veur danse allebei nog net op dae randj
Det veur net nog kinne zegke: zo maar, nieks aan de handj

Allebei veule v'r det t'r net get te vaol op 't sjpel sjteit
Allebei zin v'r net get te bang veur sjpiet
Det v'r zorge det 't neet net get te te wied geit

Veur lache allebei net get te hel
Kieks se mich weer net get te lang aan: kippevel
Veur danse allebei nog net op dae randj
Det veur net nog kinne zegke: zo maar, nieks aan de handj
Det veur altied kinne zegke: toevallig, nieks aan de handj