Xeetu Mbëgéel

Tay jii mbëggeel a woote, sama
Xalima topp sama yaram di daw ci rythmu cardiaque
Mbëggeel dina feebar dina faj
Dinga bëgg nit di ko nëbb say sikk ba far jag
Mbëggeel garab la, ci sa jëmm lay xool
Kàddug cofeel laay saxal ci say nopp
Mbëggeel dafa am làkku boppam, bët dafay wax
Bi nga nee ma jàkk laa xam ne yaw it bëgg nga ma
Moom laay gis saa yoo may xool

Mbëggeel de njuumte ci la bokk
Dictée la bu kenn manul def zéro faute
Kon bul mer ba weer ci mbedd mi loo xam ne
Ci néegu séy lañu ko sumboon fóotsi
Yaw laa jooy, yaru mbëggeel mooy li ma dal
Ma lay xalaat ba dof ci yaw daal
Su ma jógul taxaw ci sama bopp
Dinaa yanu sama ay dàll
Bi nuy gise, say bidéewi gët di fer-ñent
Mbëggeel tàkk ci sa biir, nga déclaré ma say flamme
Manuma la fay, boo ko waxul woon duma am fitam
Mbëggeel di yëy sama xol, ma jënd guro jox imaam

Xam naa sa njëg, xam naa li ngay jar (waaw waawaaw)
Moo tax ma ñaansi la bañ a waaj (waaw waawaaw)
Xam naa itam ne séy xare la (waaw waawaaw)
Te jenn jigéen waru ci nàcc (waaw waawaaw)

Jox ma sa xol (jox ma sa xol)
Jox ma sa xol (jox ma sa xol)
Jox ma sa xol (jox ma sa xol)
Kaay jox ma sa xol (jox ma sa xol)
Jox ma sa xol waaye
Bu ko teg sama loxo
Damay bañ su ma la meree sànniwaat la ko

Ãaa! Jox ma sa xol (jox ma sa xol)
Kaay jox ma sa xol (jox ma sa xol)
Jox ma sa xol (jox ma sa xol)
Jooox ma sa xol (jox ma sa xol)

Déedéet mbëggeel amul xeet
Waaye am na ay xeetu mbëggeel
Am na mbëggeel yu lay xool di la xeeb, am
Yu lay gis rekk doyloo ni nga mel
Am na mbëggeel yuy fiir bëgg la moom, am
Yu lay bàyyi nga moom sa bopp
Am na mbëggeel yuy law di feeñ ci jëf, am
Yu dul wees catu làmmiñ ak i nopp

Mbëggeel amul couleur (waawaaw)
Maak yaw doy na ma misaal (waawaaw)
Index bu ñuul kukk di bëgganteek jigéen ju weex tàll
Njabootu arc-en-ciel di peinture sama asamaan
Su ma leen di xool, li may yëg sama xol, Yàlla kese Moo ko man
Li tax nu séy du neen (waawaaw)
Sunu destin moo nu jox dig-daje
Manuloo ma daajal banc
Doonte su ma taxawee di la xaar damay mel ni ku toog ci nen

Mbëggeel dafa am làkku boppam, bët dafay wax
Bi nga nee ma jàkk laa xam ne yaw it bëgg nga ma
Moom laay gis saa yoo may xool