T'amo Como Una Bestia

¡Bai, que pinchos os mardanos
s'amarezen a las güellas
que blincos buenos se claban
os coniellos con as fembras

dimpués de beyer as bestias
que podemos fer nusatros
no prexinas zagalona
en as marguins y en os praus

Como lo buco a la craba
como lo lupo a la lupa
como lo toro a la baca
la casera a lo mosén

te me chiras, te refirmas
t'esturrufas y alticamas
te me bufas y encarrañas
u me trucas con a jada

en o cumo me debanto
lo gambeto bien chipiau
anque tornes a afogar-me
me tendrás d'enamorau

Como lo buco a la craba
como lo lupo a la lupa
como lo toro a la baca
la casera a lo mosén

Te me miro y no te tiengo
t'ixolomo t'esmaxino
te chemeco y no te siento
a natura ye o camino

si refusas as marguins
biene ta casa en o pallar
que te i biengas cuan te pete
solo tiengo que asperar

Como lo buco a la craba
como lo lupo a la lupa
como lo toro a la baca
la casera a lo mosén