Hora Di Bai

Óra di bai é óra di dor
N kre pa-l ka manxê
Di kada ves ki N ta lenbra, N kre N fika morrê
Óra di bai é óra di dor
Amor, dixa-m txora
Korpu katibu, bai bo k'é skrabu
O, alma bibu, ken ki al leba-bu

Si ben é gósi, bai é maguadu
Ma si ka badu ka ta biradu
Si nu morê na dispidida
Nhordés na bólta ta da-nu bida

Dixa-m txora distinu d'ómi
Ó, dor ki ka tê nómi
Dor di kretxeu, dor di sodadi
D'argen ki kre-m, ki N kre

Dixa-m txora distinu d'ómi
Ó, dor ki ka tê nómi
Sofrê na vista si ten sertéza
Na bu auzénsia, na bo tristéza

Si ben é gósi, bai é maguadu
Ma si ka badu ka ta biradu
Si nu morê na dispidida
Nhordés na bólta ta da-nu bida