Niet Meer Zo Snel

Ik reed loast met de trein
En zol wieter met de tram
Moar den ging der mien vandeur
Hoe grote stappen ik ok nam
Ik stond doar te rearen
En ik vlok op de chauffeur
Moar den keal verstond mien niet
En de tram die reed moar deur

refr.:
't Geet mien allemoal te vlot
Ik kom vaak tied te kort
De herses die wilt nog wel
Moar de rest is niet meer zo snel

Mien huus dat zol ik verfen
Met de leare an 't werk
Ik klom doar zo noar boaven
En ik denk: "dat is sterk"
Die leare was niet stevig
En hi-j knappen ok kapot
Ik smakken noar beneden
Met op mien heufd d'n verfpot

refr.

Ik most loast noar een brullefte
En niet tegen mien zin
Doar was ok mien buurman
Doar dronk ik tegen in
Hie was met de taxi
Moar ik mos met de fietse terug
Zo kon hi-j niet vallen
Moar ik vuul nou nog mien rug

refr.(3x)

Niet meer zo snel niet meer zo snel