Só Deus (feat. Helio Batalha)

Óki mundu tenta pintxa-u
Pekadoris sa kre kondena-u

Óki mundu tenta pintxa-u
Fitxa odju fla ma Deus ta labanta-u
(Labanta-u, labanta-u, labanta-u)
Pekadoris sa kre kondena-u
Fla so Deus ki ten kel forsa pa julga-u
(Pa julga-u, pa julga-u, pa julga-u)
Es tenta (es tenta)
Mas déntu di mi sa ba kel forsa di amor ta rabenta
(Nen pa ka tenta)
Es tenta (es tenta)
Ma skese ma kel ki Deus da enemies ka ta pode nkumenda
Nen pa ka tenta

Désdi 2007 na terénu
Batalha nunka para ia ku forsa di un gereru
Palavra di orden tudu palku, tudu xou
Kada rima, kada vérsu sai di petu, verdaderu k'é pa labanta-u
Nu leba getu zóna pónta ti Makau
Nu mostra mundu rialidadi ki ta kondena-u
Inxina putus ma verdadi é konplikadu, ignoradu, kamufladu
Subjugadu, ma e ta liberta-u
I nha mison é pa ileva
Kada seson nu koba txon pa simentera
Informason di Vila Nóva é kalbisera
Purgunta doggsom na Lem Ferera
Nu leba stadu no nason te Ribulera
I ka ten rapper pa pega-m si nu silera
Ma nunka foi konpitison, sénpri foi silebra
Silebra nos imortalidadi
I nha puizia salva putus, purgunta nha sidadi
I oji rap é bónbas déntu mi
Sirkula mó kamikazi, nha baby txoma-m zumbi
Nha karera kaba kantu bes? N reza pa enemies
Nhas fidjus tene 9 mes ta da-m so gana ri
Ma so Deus pa tra-m di li
N ta kontinua ta propaga energy pa sosiedadi, Kabral déntu mi
Purtugês faze bon trabadju li
Na kada skina un kulonu, na tudu zóna un pijigiti
Undi kel Hélio di otróra?
Undi puizias puru potenti ki bu ilabora?
Undi kes gólpis, kartas, diskursus tipu Samora?
Undi kel Jorge ki abita na linhas prufundu di tudu óbra?
Undi kel Hélio di otróra?
E sa pa li ta lida ta libra di munti kóbra
Pamó taléntu, txeu prétu kre odja-m déntu koba
Es kre pa N grita Revu si N ba kadia un dia klaru é mi ki koka
Purgunta Amadeus undi tudu kes ateus
Na óra brónka, bu sta bo so, ka ten kuréus
Mó kriansas na Palestina ta fla a Deus
Ma en vãu, pamó Senhor ta obi so kes judeus
Ma N skrebe maniféstus
N muda fórma, N luta kóntra mal afétus
Oji N ten munti fétus
Nhas rimas é sinplis móda dexa-m bua
Pamó bua na mei di ágia i abutris, nha broda, sa txeu konplékisu

Óki mundu tenta pintxa-u
Fitxa odju fla ma Deus ta labanta-u
(Labanta-u, labanta-u, labanta-u)
Pekadoris sa kre kondena-u
Fla so Deus ki ten kel forsa pa julga-u
(Pa julga-u, pa julga-u, pa julga-u)
Es tenta (es tenta)
Mas déntu di mi sa ba kel forsa di amor ta rabenta
(Nen pa ka tenta)
Es tenta (es tenta)
Ma skese ma kel ki Deus da enemies ka ta pode nkumenda
Nen pa ka tenta

Ma N ta kontinua, N ta alimenta getu
Nha mison é leba vós prufundu pa tudu prétu
N ta lenbra Mamadu, nha petu ta fika kétu
Ma garganta ta grita ku dikas só papu rétu
Papu di karu, ma nha vizon éra ultramar
Rimas karu ka ten valor na no lugar
Éra otokaru, po diskursu ka singular
Ma si N dixi la nhos nível pa ano N ta abri un rentacar
Éra konplikadu kes dias di indiferénsa
Kantu dúvidas ileva, friéza kre mata un puéta
Nada riba méza, ku vontadi salva mundu
Mundu ku gana ratxa kes nhas karta más prufundu
Éra konplikadu, ma nada é ka inpusível
Óki nos é abensuadu kes barera é so fuzível
Pa nos lus inkandeia, se saliva é konbustível
Obrigadu pa nhos tudu ki torna es vida inkrível

Óki mundu tenta pintxa-u
Fitxa odju fla ma Deus ta labanta-u (labanta-u)
Deus labanta-u
Pekadoris sa kre kondena-u
Fla so Deus ki ten kel forsa pa julga-u
(Pa julga-u, pa julga-u, pa julga-u)
Es tenta (es tenta)
Mas déntu di mi sa ba kel forsa di amor ta rabenta
(Nen pa ka tenta)
Es tenta (es tenta)
Ma skese ma kel ki Deus da enemies ka ta pode nkumenda
Nen pa ka tenta

Óki mundu tenta pintxa-u
Fitxa odju fla ma Deus ta labanta-u
(So Deus, so Deus, so Deus) (Labanta-u, labanta-u, labanta-u)
Pekadoris sa kre kondena-u
Fla so Deus ki ten kel forsa pa julga-u
(Pa julga-u, pa julga-u, pa julga-u)
Es tenta (es tenta)
Mas déntu di mi sa ba kel forsa di amor ta rabenta
(Déntu di mi, déntu di mi o-o-o) (Nen pa ka tenta)
Es tenta (es tenta)
Ma skese ma kel ki Deus da enemies ka ta pode nkumenda
(Enemies ka ta pode, enemies ka ta pode)
Nen pa ka tenta (enemies ka ta pode nkumenda)

Enemies ka ta pode
Ku forsa di amor, ku forsa di amor
É so Deus, so Deus, so Deus