Monte Sossego - Samba-Enredo 2025

[Enredo: Terra D'Índio Em Festa]

É Térra d'Índi, é Térra d'Índi
É Térra d'Índi, é Térra d'Índi
É Térra d'Índi, é Térra d'Índi

Éra uma ves, éra uma ves
Un bairre k'es ta txmá 'Térra d'Índi'
Ses muralha éra un grande tapete di térra burmedja
Tude ken pasa la éra brinkóde ke se kanelera burmedje
Na nos Térra d'Índi ka ta levóde nen abuze nen dzafor

Éra uma ves, éra uma ves
Un bairre k'es ta txmá 'Térra d'Índi'
Ses muralha éra un grande tapete di térra burmedja
Tude ken pasa la éra brinkóde ke se kanelera burmedje
Na nos Térra d'Índi ka ta levóde nen abuze nen dzafor

La tinha grande futbol
Tiatru ma tokatina éra kel rutina
Kes festansa la na Jon di Rom diversãu éra garantide
Nho Rikórde ma Djo Prera, guardions di kortezias du reinu

Lenbrá Manhana, Blada ma Betóna
Djo Tiuria ma Nho Biluka
Ô, tónte jente di Monte Susegu
Jente di grande valor i respeitu
Beja, Bróda, Ti Ais o Nha Mersi
Ke nunka txa tristéza reiná

Mindel, ben ma nos
No ben konxê tude es vivénsia
Stória des pove lutador
Reziliente, kalejóde ma valente
Mestria di si jente vensedor
Perspikásia di sis mente kriador

Ben, Sonsente, no ben selebrá
Festejá más es karnaval
Pédra ke pasá pa nos padióla ta vra pédra presióza
Forjóde la na Nho Grigor, moldóde la na Jon Fliner
Índias lindas senpe no tive
No da-s valor, no da-s respeite
Pa ken faltá-s ke razãu
Skuadron di Bitin ta inpará-s na peite

Ben, Sonsente, no ben selebrá
Festejá más es karnaval
Pédra ke pasá pa nos padióla ta vra pédra presióza
Forjóde la na Nho Grigor, moldóde la na Jon Fliner
Índias lindas senpe no tive
No da-s valor, no da-s respeite
Pa ken faltá-s ke razãu
Skuadron di Bitin ta inpará-s na peite

Térra burmedja vra nos talisman, nos Térra d'Índi kriá
Nasê grande nasãu Montsú majestoze na karnaval
Linpa kanéla n'intrada di Morada nunka foi konpléks pa nos
Éra so un sinal di nos pas, un rekolher di nos matxóde di gérra

Térra burmedja vra nos talisman, nos Térra d'Índi kriá
Nasê grande nasãu Montsú majestoze na karnaval
Linpa kanéla n'intrada di Morada nunka foi konpléks pa nos
Éra so un sinal di nos pas, un rekolher di nos matxóde di gérra

Índia, txga li di favor
Mostrá Sonsente tude bo valor
Na Morada na kualker berada
Bo k'é nos muza, nos rainha mór
Bo jingar é sedutor pa inspirá kualker pintor
I kónde bo t'intrá na parada, Monte Kara ta tremê kexada

Índia, txga li di favor
Mostrá Sonsente tude bo valor
Na Morada na kualker berada
Bo k'é nos muza, nos rainha mór
Bo jingar é sedutor pa inspirá kualker pintor
I kónde bo t'intrá na parada, Monte Kara ta tremê kexada

Bairre (é Térra d'Índi!)
Kónpe di Bitin (é Térra d'Índi!)
Kirral di Boi (é Térra d'Índi!)
Ólte Kaza d'Aga (é Térra d'Índi!)
Ólte di Bónba (é Térra d'Índi!)
Kavoke Burmedje (é Térra d'Índi!)
Tras di Sumter (é Térra d'Índi!)
Funde di Nóva Móka (é Térra d'Índi!)
Vnida d'Olanda (é Térra d'Índi!)
Nos tude (é Térra d'Índi!)