Samba Tropical - Samba-Enredo 2014 (2)

[Samba-Enredo: Temp d' Carvon]

Desde tenpe di karvon
Tenpe di vapor na Baía
Ate teknolojia di nos éra dijital

Desde tenpe di karvon
Tenpe di vapor na Baía
Ate teknolojia di nos éra dijital

Samba Tropical já ben (já ben)
Já ben mostrá nes karnaval
Mutasãu d'univérs na revolusãu industrial
Mutasãu d'univérs na revolusãu industrial

Oje nos rede é sosial, nos rialidade é virtual
Pa mostrá munde inter majia di nos karnaval
Rikéza di nos enrede, ate kor di nos andor
Ta propagá na sosiedade, na tékla di kunputador

Tmá bo-, tmá bo-, tmá boné na Facebook
Mandá, mandá, mandá mantenha na Facebook
Tmá bo-, tmá bo-, tmá boné na Facebook
Mandá, mandá, mandá mantenha na Facebook

Na kurasãu d'Inglatérra, térra di sua majestade
Buska prugrés i rikéza, ben transformá nos sosiedade
Lokomutiva, konboi, fábrika d'algodãu
Iletrisidade na kurrente, más tarde ben rádi i televizãu

Teknolojia d'informasãu
Pa fazê jente nevegá nun munde d'iluzãu
Imajinasãu sen limite, ka ten koza más bnite
No ben kantá es revolusãu
Imajinasãu sen limite, ka ten koza más bnite
No ben kantá es revolusãu

Oje nos rede é sosial, nos rialidade é virtual
Pa mostrá munde inter majia di nos karnaval
Rikéza di nos enrede, ate kor di nos andor
Ta propagá na sosiedade, na tékla di kunputador

Tmá bo-, tmá bo-, tmá boné na Facebook
Mandá, mandá, mandá mantenha na Facebook
Tmá bo-, tmá bo-, tmá boné na Facebook
Mandá, mandá, mandá mantenha na Facebook