Zègk Wètste Dat?

zègk wètste dat, zègk weit iech wat
pow is gek op philomène
eed're zoondagaovend kump zie aon
jao dat vint heer toch zoe fijn

zègk wètste dat, zègk weit iech wat
philomène heet niks mèt pow
want zie is zoe gek
op e good gesprek
en heer hèlt zien mojl mer tow

en wat iech ouch nog zègke wow
philomène is gaar gein vrow

trof miene naober in de stad
heer vroog aon miech: zègk wètste dat
trok daonao minstens dreikwaart oor
de ganse naobersjap dedoor
de ein waor stom, de aander stoonk
dee op d'n hook dee droonk
wètste dat, weit iech wat
wètste dee geit mèt die
wètste die heet gaar niks mie

zègk wètste dat, zègk weit iech wat
miene neef dee späölt trombon
miene noonk dee heet 'n sjuiftrompöt
en mien tant späölt bombardon

zègk wètste dat, zègk weit iech wat
dee bombardon dee is zoe zwoer
't is 'n groete las
meh zie hèlt 'm vas
och wat is mien tant toch stoer

meh hiel dèks heet ze flinke pech
want dao vluig häör get eweg