Dr Summer isch verbii

dr summer isch vrbii
es isch es heisse summer gsii
u es isch viu passiert
u d wäut drääit sech no geng
we me ferie het u gllich verdient
un es lüftli geit u d sunne schiint
isch ds läbe hie doch gar nid mau so schlimm
we me luegt was uf dr wäut so geit
u we me list was aus ir ziitig schteit
hei mir doch hie nid würklech grund zum gränne
solang dr chare louft u dini mannschaft gwinnt
u 's öppe für ne nöii schibe längt
ligts eigentlech doch no grad eso drinne
solang am morge geng e nöiie tag afaat
solang no chole chöme we me ds chärtli inelaat
solangs es biud git we me ar ferbedienig drückt
u solang me aus ma frässe wo me schlückt