Oggi

Longu à a costa balanina
Ind’una vechja cunfina
Ci si vede un paisolu
Chì oghje pienghje u so dolu
Un locu abbandunatu
Chì senz’ansciu s’hè firmatu

Sin’à u mille nove centu
Ùn cunobbe u perdimentu
È tantu l’ultime ghjente
Lascionu e so case spente
Solu stete un infelice
Cugnumatu frà felice

Mai ùn pobbe accittà
Rompe a so fideltà
È mentre anni è anni
Nisunu spartì I so malanni
Per cumpagne una ruchjata
È un’esistenza scannata

In vechjaia fù custrettu
Di lasciassi case cù tettu
Oggi insalvatichitu
Agunizava arghitu
S’ammutulinu e campagne
Impatrunite da l’altagne

Cortu ne fù u so esigliu
Chì u mischinelli figliu
Cumaccatu di stanchezza
È rosu da a tristezza
Vultò un ghjornu lu spinu
E morse in piaghjulinu

Ma à u ciuttà di u sole
Quandu u celu di stelle bolle
In la cappella sfundata
S’alza una voce sfurzata
Chì in issu scornu n’ùn si sdice
Ch’hè quella di frà felice.