I Tem Cu Sedo Gos

E tera ten ku sabi, i ten ku sedu gos
I dibi di sedu gos
E tera dibi di sabi, i dibi di sedu gos
I ten ku sedu gos

Nin si na kustanu vida, no na tchiga la, no na kontinua luta
Di serteza un dia na tchiga, no na konsigui, no mama Guine na muda
Sabura ten ku bin dja pa nos, pabia no kansa sufri
E tera dibi di sabi, i dibi di sedu gos pa si fidjus para iari-iari

I ka stranhu pa bos tudu ke ku n' na bin konta
Bo ta pensal, ma pa papial korajen ta falta
I ka ten tera suma Guine-Bisau, n' ka na punta
Uniku tera nde ku kabra ta pui lubu panta
Kaminhu arabes, distinu a kotro-bido
Pa bu luta ku vida li, bu ten ku trena judo
Guvernantis karatekus, mestris di po
E fasi lema di no povu sedu sufri so
No rinka udju risu, no toma kudadu
Pabia no tera pa vizinhus i sta na kubisadu
I ka pirsis pa bota bus sorti sta dja klaru
Si no ka mara dala risu i pudi kustanu karu
No kunsa ndjudja djeberen pa sol ku na bin ten
Lala kaba kema kau di sukundi ka na ten
Ospri na bu tera, stranjeru mas bo sta ben
Juru situason di nha povu ta pui korson ta den

Nin si na kustanu vida, no na tchiga la, no na kontinua luta
Di serteza un dia na tchiga, no na konsigui, no mama Guine na muda
Sabura ten ku bin dja pa nos, pabia no kansa sufri
E tera dibi di sabi, i dibi di sedu gos pa si fidjus para iari-iari

Abos ku pasa dianti bo seta dja bardadi
Di sufrimentu dimas pucus bo toma ton
Koitadesa forsidja elis bida garandi
E obrigadu larga mama, e kamba biberon
Vida difisil furta no irmas se dignidadi
E kai na bindi kurpu pa djuda ku fugon
Ke di no mininus? Ke di no identidadi?
Si na no tera i ka sta garantidu idukason
Kampu pasa kinti vida mas na duru
Jovens tudu gosi so pensa na imigrason
Nha konsidju pa bos: stranjeru i ka soluson
Tera branku si ka siguransa i limpa tchon
Ora ki sabi parelis bo ta tchibi la
Si ka sabi e ta lembra abos i ka fidjus di la
Vivi na stranjeru ka sta nada ben
Juru situason di nha povu ta pui korson ta den

Nin si na kustanu vida, no na tchiga la, no na kontinua luta
Di serteza un dia na tchiga, no na konsigui, no mama Guine na muda
Sabura ten ku bin dja pa nos, pabia no kansa sufri
E tera dibi di sabi, i dibi di sedu gos pa si fidjus para iari-iari

E tera ten ku sabi, i ten ku sedu gos
I dibi di sedu gos
E tera dibi di sabi, i dibi di sedu gos
I ten ku sedu gos

(E povu kansa sufri) e tera ten ku sabi, i ten ku sedu gos
(E povu kansa tchora) i dibi di sedu gos
(E povu kansa iari-iari) e tera dibi di sabi, i dibi di sedu gos
(Si alegria tchiga ora) i ten ku sedu gos

E povu kansa sufri
E povu kansa tchora
E povu kansa iari-iari
Si alegria tchiga ora, eh eh
Tchiga ora, oh oh