San Pedro del Paraná
Adrián Barreto
San Pedro del Paraná
¡Ha, che valle!
Mombyrýgui ou
Tavaite rekáne ne ñepyrûmby
San Pedro del Paraná
¡Ha, che valle!
Kuimba'e pyapy
Mba'apo retã, ke resãi poty
San Pedro del Paraná
¡Ha, che valle!
Akóinte va'erã
Ne ñu, ka'aguy oime hyakuãvu
Ha opa umi tape cheguatahague
Ama ha yvytu ymámane oime
Omokañymba che py rendague
Jahechava'erã ko’ẽ iñambuérõ
Ha maymáva opáicha ndererohory
Nde réra vokói añandúne upérõ
Tupã javeve, chendive oiko chemoãngapyhy
Ohasáva'erã hetaiteve ára
Aikove aja rohechave’ỹre
Anichéne márõ re’a tesaráipe
Jepevémo hína chéve ndaipotýi
Ne marangatu
San Pedro del Paraná
¡Ha, che valle!
Ahechaga'u nde korochire
Nde yva, nde yvoty
Araka'etémo chepo'ako'ê
Ha ikatu jevy chemokunu'û
Ndejave hikuái, che ru ha che sy
Jahechava'erã ko’ẽ iñambuérõ
Ha maymáva opáicha ndererohory
Nde réra vokói añandúne upérõ
Tupã javeve, chendive oiko chemoãngapyhy
Ohasáva'erã hetaiteve ára
Aikove aja rohechave’ỹre
Anichéne márõ re’a tesaráipe
Jepevémo hína chéve ndaipotýi
Ne marangatu
San Pedro del Paraná
¡Ha, che valle!
Comentarios
Envía preguntas, explicaciones y curiosidades sobre la letra
Forma parte de esta comunidad
Haz preguntas sobre idiomas, interactúa con más fans de Adrián Barreto y explora más allá de las letras.
Conoce a Letras AcademyRevisa nuestra guía de uso para hacer comentarios.
¿Enviar a la central de preguntas?
Tus preguntas podrán ser contestadas por profesores y alumnos de la plataforma.
Comprende mejor con esta clase: