Caoidh Mo Dhochais

Tha mi tinn 's mi ri caoidh mo dhòchais
Nochd 'san raoir 's fad na h-oidhche mhò-raoir
Do chòmhradh meallta 'sa gheamradh dhòmhsa
Chuir falt mo chinn dha na toill na dhlòthan

Bha mi'm oidhch' ud 'smi aig an teine
'S bu tu an luaisgean a bha air m'aire
Nuair a chuala mi fuaim an dorais
'S e air a ghluasd aig fear uallach baile

Theireadh cach rium nach robh thu ciallach
Gun robh 'g-òl 's nach bu mhòr a b'fhiach thu
Stad a ghraidh cha ro ann ach briagan
Se mise b'eolaich bhon t-òige riamh ort

Bha do chairdean toirt tàir is beul dhomh
Airson a ghraidh gun tug mi mo spèis dhut
Faodaidh iadsan bhith sàmhach 's eisdeachd
Far an laigh an gràdh, cha chuir càil bho cheill e

Bha mo chairdean iad orm ag iarraidh
An gaol a thug mi a chuir air diochuimhn'
Ach bha sin dhaibhsan a cheart cho diomhuinn
Ri muir-làn a thraghadh 's muir tràigh a lionadh