Låß sie reda

Låß sie reda - Aha!
Du woasch doch salt wås gwest isch, låß sie reda - Aha!
Du woasch doch salt wås' bescht isch, låß sie reda - Aha!
Den oana plågt d'r Zura, den åndara d'r Neit,
der dritte plappert's nåch, so sei hålt d'Leit - drum låß sie reda - Aha!

Du steasch vur mir und luagsch mi går so traurig o -
Du håsch gråd gheart, wås ma so saht!
Wås dir passiert isch, und wås koan'r wissa ko,
håt irgendepp'r gånz vrdraht!
Wås du erlebt håsch unter Tränen ålles g'hebt håsch -
Wås du entbehrt håsch, und warum du di iatz g'wehrt håsch
håt koan'r mitkriagt, åb'r jeder redet g'scheid,
du - denk d'r nix, so sei hålt d'Leit!

Du frågsch, wia konn denn oan'r reda, der nix woaß?
Und der, der woaß, isch meischtens still!
Oft steckt im Gred' a Wåhrheitskerale, a kloas,
des findet der, der's finda will!
Doch d'Wåhrheit tat sich zum V'rzehla oft it lohna,
drum måcht ma aus da Kloanigkeita Sensationa!
Und oft verratet sich, wer da greaschta Giftpfeil schiaßt,
weil er vo sich auf åndre schliaßt!