Insel aus Liebe

Auf oamål håsch mi ogluagt, auf oamål wår då Ångscht:
Wås mir då tia, kånn ins ålles nehma!
A Streit isch so schnall ogfångt, a Wuart isch so schnall gsaht!
A Wuart voller Gift kånn die Liebe lähma!

Wås wår der Grund, wia kånn des sei,
dass zwoa, dia sich so nahe sei,
sich so weit entferna, weit weck vom Glück?
Kimm her zu mir, kimm her zu mir, no geit's a Zurück!

Nimm mi gånz fescht in Deinen Årm und bau a Insel,
a Insel aus Liebe in rauer See! D'Åuga oafåch zua!
Då sei nur mir zwoa, mir zwoa alloa auf dera Insel!
A Insel aus Liebe - mir baua sie,
s'braucht nur a Umårmung, nur Di und mi!

Am åfång wår ålls oafåch, wår heilig und perfekt!
Då wår a Zeit, då wåra mir unverwundbår!
Då lebt ma miteinånder, doch aneinånd vorbei,
plötzlich isch ma sich fremd und koaner woaß, wås der Grund wår!

Dia Bluama, die "Verliebtheit" hoaßt,
dia welkt so schnall, wia jeder woaß!
Doch die Liebe, die då außawåchsa ko,
dia muaß ma hega, muaß ma pflega, dass sie a Boum wera ko!

In guata wia in schlechta Zeita, solång Umårma geaht,
då kånn des doch nur oas bedeuta: Dass ma ålba no zahma khört!
Dass då no a Fuier isch! A Fuier, des nia verlischt!
Mir berühra ins, mir spüra ins, versenka ins, verschenka ins!