Jardim Prometido

Es verde di bo nóm já no spera-l txeu
Nun jardin fluridu, rubera ta korrê
Val di Paúl é próva de fertilidade
Onde núven fekunda ta dirramá se amor
Água ta kaí, speransa ta brotá

Na kes tenpe d'otróra kuandu mundu éra mundu
Mansan di oru txon tava da
Txuva zangá i kel éra de bonansa
Oje transformá nun stória sábe d'uví
Ma nos vontade i sperana é maior

Kel jardin na nos sonhu ka morrê
Forsa de perseveransa ainda ta kultiva-l
Kabverde é verde na nos korason
Nos térra ta vertejá di nos mon xei di amor
Senpre no sperá p'es dia grande
Onde kada fidju ta ten se parte virdin
No kre vivê nun térra d'amizade
Ta dzinvolvê na mei di felisidade
Nun jardin prometidu ta fluri xei di pas

Kel jardin na nos sonhu ka morrê
Forsa de perseveransa ainda ta kultiva-l
Kabverde é verde na nos korason
Nos térra ta vertejá di nos mon xei di amor
Senpre no sperá p'es dia grande
Onde kada fidju ta ten se parte virdin
No kre vivê nun térra d'amizade
Ta dzenvolvê na mei di felisidade
Nun jardin prometidu ta fluri...
Xei di pas