Baggersee-Reggae

Minge Fründ dä Dieter, wor dis Johr en Amerika
und dä rösije Albäät, dä wor sujar en Panama
Dann wor do noch et Susi, dat wor mem Birgit en Madrid
Un für dä Hoorbüschels Uwe, jo do es Arenal dä Hit

Ich will ja nit su wick weg
dat hätt für mich doch keine Zweck
Am leevste fahre ich nohm Baggersee mem Bus
Am schönste es et doch zo Hus

Jo dä Hubäät es Ampmann, fährt jedes Johr noh Mexiko
Und dä Kanaldeckels Pitter, fährt jedes Johr noh irjendwo
Für Karl-Heinz un et Elli, do es Korsika zo Hus
Ich fahr noh Hawai, dat es dä Spruch vum Nehle Fuss

Ich bruch keine Atlantik, ich fahr nohm Baggersee
Ich bruch och kein Pyramide, Treppe steije kann ich och he
Will ich dä schiefe Turm sin, halt ich dä Kopp jet schräch
Hätt ich en Reis jewonne, schrew ich d'r Lotterie ene Breef