Che Kotykuemi

Che kotykuemi, péina chehaitéma ág̃a rohejáta
Nendive opytáta che renimbemi ha che mbaraka
Che aháta aheka ku che jyva árigui okañyva'ekue
Akemijave opu'ãva'ekue oho che reja

Ha'e oimeva'erã ymáma ohasa tetã ambuére
Pero ipyporére ichupe a-seguíta mombyry peve
Oimérõ jepe ha'e otopáma otro ohayhúva
Che la arombyasýva hese atopárõ ha'eta ichupe

Che kotykuemi, sapy'areínte hese ndatopáirõ
Terã ndaikuaáirõ mba'eve noticia pérupi ichugui
Che año peteî ahamihaguéicha ajumijeýne
Opaiteve ára jaikove hag̃ua oñondivemi

Ndémante voi, che kotykuemi, reikuaapaitéva
Ku pyharekuérõ mba'eichapa che ndaikatúivo ake
Oiméne ha'e otroite ykérema oikove vy'ápe
Ha chénte ko'ápe che mba'embyasy aropurahéi