Nde, Che Ha Nande Rupa

Nde che ha ñande rupa oño irū mbohapyveva
Jaikova oñondivekuera hetama ñaño aguanta
Ro'yro ku pyhare jaikeva pe ahoja guype
Kunu'uu vy'a torype hatãite ñañoañua

Nde che ha ñande rupa jaikova jepokuaape
Hakurõ ñasē okape jake hagua pyhare
Ñasaindy ohesape ko enramada guy sakãme
Sabana potī porãme ñañoañua Upe jave

Ha upe norte piro'y mombyryetegui ouva
Kangymi ñandepejuva upero ñanemoirū
Ha upeicha ñaimemihagui jaikema idegustohape
Ha'ama nde ajura kuape ajejopy nderehe

Nde rete ikangypaite nde retyma reipyso
Ha che ati'yre rehovo nde pya'e katu ere
Che añuã ha che retū ha ndejehe chejopyvo
Añandu ikyrŷi asyvo mborayhu rukue otyky