King Orpheo

There lived a lady in yon Haa
Scowan urla grun
Her name was Lady Lisa Bell
Whar giorten han grun oarlac

The king, he has a-huntin' gane
Scowan urla grun
Left his lady aa alane
Whar giorten han grun oarlac

The Elfin Knight took oot his dart
Scowan urla grun
Pierced poor Lisa tae the heart
Whar giorten han grun oarlac

When the king cam hame at noon
Scowan urla grun
He asked for Lady Lisa Bell
Whar giorten han grun oarlac

His nobles unto him they said
Scowan urla grun
She first was wounded, noo she's dead
Whar giorten han grun oarlac

He's awa intae the wood
Scowan urla grun
Til hair grew o'er him where he stood
Whar giorten han grun oarlac

He sat there for seven years
Scowan urla grun
Til a company to him drew near
Whar giorten han grun oarlac

He sat doon so full o' wae
Scowan urla grun
And he took oot his pipes to play
Whar giorten han grun oarlac

First he played the notes o' noy
Scowan urla grun
And then he played the notes o' joy
Whar giorten han grun oarlac

Then he played the gaber reel
Scowan urla grun
That would make a sick heart heal
Whar giorten han grun oarlac

The Elfin Knight to him did say
Scowan urla grun
What will you hae noo for your pay?
Whar giorten han grun oarlac

For my pay I will thee tell
Scowan urla grun
I'll hae my Lady Lisa Bell
Whar giorten han grun oarlac

You can take your lady hame
Scowan urla grun
And you'll be king o'er aa yer ain
Whar giorten han grun oarlac