Maio Nha Terra

Pove di sentimente
Coraçon aberte
Pa tud quem qui crê bem braçál
Na cor di morabeza

Na tom di cretcheu
Na som di luar
Ess pove sabê cantá sê amor
Segredá sê sentimente

Casamento, festa rijo
Dia e nôte pove ta brincá
Ta gritá: Deus qui dixá
Maio nha terra é sabe
Nha gente ca conchê nenhum maldade

Pa tud quês qui stá longe
Mãe n'Avé Maria
Ta djobê pa mar ta bençoá
Vida e saúde pa sês fidje

Anjo da guarda quês tud
Sorte pa ca faltá
Mó li família ta sperá
Pão nosso di cada dia
Pa Natal nô ta encontrá li
Pa quel abrace
Povo contente
Ta gritá: Deus qui dixá
Maio nha terra é sabe
Nha gente ca conchê nenhum maldade