Tetâgua Sapukái

Pyhare, ku ijapyra'ỹva
Aretéma niko oiko
Ñane retãmíme oñua
Ha pytũ guýpe oguereko

Marõpa nipuku osẽta
Kuarahy amo ñu pahápe
Ñande jopévo hatãpe
Ñane mombáymi hag̃uã

Purahéi pyahu ndojejokovéi
Yvytu jurúpe ipotypaite
Opa rupi oike ñane mbohory
Ñane mo'ãguĩ
Ja'évo ojupe peteĩ ñe'ẽme
Jaikopa hag̃uã

Tavy, tyre'ỹ, mboriahu
Ñembyahyi pepoguýpe
Aretéma jaiko
Ha akõi oñoirũndie
Ñorairõ reípe ñande ruguypa

Ha'evémante jake
Maymáva Paraguai
Japaymi ha ñapu'ã
Ha upéi jasapukái
Iñapysẽ ko'ẽtĩ
Pytã, morotĩ, hovy
Ñande poyvi joguaha
Osẽma la kuarahy
Hesakãmba porãitéma
Ñande rape pyahurã

Pehendúpe tatãgua
Ñapu'ã jasapukái
Opahápema pytũ
¡Viva el nuevo Paraguay!