Puti de Mel Kebra Patch

A, konta bardadi
Aladji Txerno Raxid, konta bardadi
Ai, konta bardadi
Ai, konta bardadi
Aaa, konta bardadi
Aladji Txerno Raxid, konta bardadi
A konta bardadi, a konta bardadi
Ai, konta bardadi
Ai, konta bardadi

Aladji, kusa ke bu odja, bu konta, i odjadu linpu pus
Di kuma guera di Guine na kunsa na intirior, ma i na kaba na Bisau
Sangui na darma, pekaduris na muri txiu
Fidjus di Guine na spadja, asin ke i sedu, Aladji
Bu bardadi ka bai suma mon di sal na iagu
No matil, no odjal, no sintil

Povu di Guine-Bisau, Iva ku Ichy sta ku bos a sen pur sentu
Bo obinu diritu no ermons
I ka ten fala ki utru i mandjaku, ki utru i mandinga
Ki utru i fula, ki utru i mankanhi
Anos tudu i fidju di Guine, no tene memu diritu
Djisilin ka ta kema ku bedju dus bias
No misti un fidju di Guine onestu, intilijenti pa e kunpunu tera

U povu na txorau, o, Guine nko, unnn
Bu povu na txorau, a, Kabral, o ie
Bu povu na txorau, o, Guine nko unnn
Bu povu na txorau, a, Kabral, o ie

Bu povu na txorau, o, Guine nko unnn
Bu povu na txorau, a, Kabral, o ie
Bu povu na txorau, o, Guine nko unnn
Bu povu na txorau, a, Kabral, o ie

A, Kabral, bu povu na txorau, Guine na txorau
Bu povu muri, pekaduris rumadu na kobas pa ntera suma ratus
Kilis ke tirbida na kanaus na randja manera di salba
Sedi, fomi, duensa, kanhons mata bu povu Kabral
Na oitenta i pirmitidu riajustamentu, puder de povu pa sirbi povu
Liberdadi di opinion, kaba ku matansas i justisas kalunias miti medu
I faladu na konkordia nasional, afinal, kusas na bin
No sai de mal pa pior, povu di Guine nunka tene puder
Nunka tene liberdadi i opinion pa se distinu
Senpri i vivi na injustisas, kalunias, medu ku atrazus garandi dimas
Partidus ku pulitikus nves di e sirbi povu, se papel i fasi kontrariu
Sirbi se nteresis
Kil ke ta bin na nomi di povu, i ta rabidadu pa se furtuna
Mas, afinal, riajustamentu i pa kin? N' punta
I era anbison, luta di puder, rikupera tenpu ki e pirdi
Atraves di gatunajen, ditadura, didu, udju, boka ien!
Povu di Guine, bo da opurtinidadi a utrus forsas pulitikas
Ka bo disa kamalion torkia kor
Saklata fasi parti di dimokrasia
Ma saklateru disnortiadu sin rumu, ku ka na fasi i ka pudi fasi
I ka na disa utru fasi, no raprendil
No iziji no dona kasa garandi renovason
I ka renova kume, mata, saklata
I pa pensa ben na se aonti ku si aos
Si i kapas di argumenta ku izijensias dimokratikas di un mundu nobu i mindjor
Kabral fala elis na matu di kuma luta ku no na fasi ku arma na mon
Pa tira tuga di no txon pa no indipendensia i prugrama minimu ku no na kunpri
Ka no pensa kuma anos tudu no pudi binba manda la na Bisau
Kil ke mekaniku, ajudanti iletrisista, piskadur, labradur
Antis di luta, i na kriadu kondisons pa i kontinua si atividadis
I vivi di si statutu di konbatenti di liberdadi di patria
Kabral fala elis no indipendensia no na kabal na nsalma
I na ntregadu djintis ke na bin danu kontrada pa e rukudji kel
Elis ke ba bai kunsa kunpri prugrama maior
Ku sedu kunpu tera tarefa ma garandi i konplikadu
Kabral misti fala elis kuma, rozolbi prublemas di povu i sibi pensa rapidu
I iziji konpetensia, sintidu risponsabilidadi, onestidadi ku tuleransia
I pirsis djintis ku kabesa
Kabral muri, kusas rabida kotrobido
Nbes di djintis ku kabesa na Guine, no pasa pa djintis sin kabesa
Anos ku bai, no dupuni povu pa mindjor no reina, no kume
Guine liberta, ma sosiedadi ka liberta
Pulitikus ku partidus toma arogansia
Fala 'ami uniku, sin ami, abos i ka ninguin', e pui dianti
Diskisi kuma manda i suma kanela di kabra: I kansadu fia nel
Puti di mel kebra patxi
Sol di koresma na kemanu tudu pa Bisau pudi bai dianti
Kil ke ka kalura i ka na kume
Mantxadu, pikininu, ma i ta bati polon
Amadu djunta taguas ndjudjadus i rinka polon ku si ris

Guine, odja kusas di Amadu
Guine, odja kusas di Amadu
I djunta taguas ndjudjadus i rinka polon ku si ris

Guine, odja kusas di Amadu
Guine, odja kusas di Amadu
I djunta taguas ndjudjadus i rinka polon ku si ris

Povu di Guine, bo da risposta sertu a invazoris
Na apoiu a no forsas armadas, a no Guine
Bo nega manobra di papia na tribalismu, dividi pa se fins
Na mumentu difisil, bo mostra un povu unidu
Ku garandi maturidadi pulitika i anbison
Un povu korajozu, ku spiritu di sakrifisiu i di entra ajuda garandi dimas
Bo mostra kuma Guine ka tene rasas
Guine tene un povu orguliozu i tene fidjus
Un povu asin i difisil vensi i konvensi
Ka bo disa bo nganadu mas pa rostu serius
Boka sabis, asons di malandrisa
Di li pa dianti, Guine prisiza di muda
Di rostus nobus pa kria kunfiansa na bo distinu
Nha armons, kil ki sedu dja i sedu dja
Ka bo npina, ka bo pirdi korajen, bo lantanda rostu riba
Bo pui tudu tras, no djubi dianti, no pega n'utru
No luta pa futuru di no tera, di no fidjus ku no netus
Puti di mel kebra
Si kanua ka nkadja, no na txiga
Viva Guine, viva Guine, viva Guine

Si kanua ka nkadja, no na txiga
Si kanua ka nkadja, no na txiga
Si kanua ka nkadja, no na txiga
Si kanua ka nkadja, no na txiga
Si kanua ka nkadja, no na txiga

Fidjus di Guine
Kabral kuma kritika i forsa motor di dimokrasia, puder popular
Txiga i ka misti pa i kritikadu
Pa i ba si kasa i sinta
Pa i ba si kasa i sinta
Pa i ba si kasa i konsola
Si i na lenbradu ma del

Si kanua ka nkadja, no na txiga
Si kanua ka nkadja, no na txiga
Si kanua ka nkadja, no na txiga
Si kanua ka nkadja, no na txiga