Lucero Mombyry

Nde ypýgui mombyry
Heñói che purahéi
Yvytúre toho
Nerendápe toja
Tove taneañuã
Mbeguekatu asy
Ñe'ê guaraniete
Ndéve ijapopy

Che képe ahecha
Rejárõ che añuã
Nde áva hû vera
Ha ne rembe pytã
Erérõ, che kamba
Ndeha che mba'erã
Apáy ha roheka
Nderehe'ỹ ajecha

Hi'ãnte aveve
Nerendápe aguahê
Taipyte ne rembe
Re'ê guavirami
Ne ñe'ê tahendumi
Che páype, che reindy
Ha tahetû jey
Ne ryakuã yvoty

Lucero mombyry
Ndéve arahauka
Rehendúnte aipota
Che purahéi mbyky
Ha ere, che tupãsy
Che ra'ãrõtaha
Nerendápe taja
Mborayhu tahendy

Ãva che añandu
Nde ypýgui mombyry
Yvágare aipyaha
Ko purahéi rory
Che akãguiko hoky
Ndéve guarã meme
Ñe'ê eirete
Mborayhúpe itopapy

Roipota, che reindy
Che ãnga jararã
Ani chemomarã
Che korasõ ipoty
Eremi ku nei
Ha chendive jaha
Ndéve tame'êmba
Che mborayhu ñemi