La Cautiva

Oiméva oiko pe jaíre
Peteî guyra oñemíva
Ambohéra La cautiva
Oikóre iñapytîmby
Che py'áre ojatapy
Akãnundúicha iñarõva
Mborayhu chupe arekóva
Aréma iñongatupy

Cherendúna, la cautiva
Cherenói taha nde ypýpe
Ani umi ka'aguýpe
Neaño reiko resufrí
Chéko ikatúnte avei
Roipe'a mba'embyasýgui
Ajorávo nde kupýgui
Oikóva neñapytî

Ne rendag̃ua arekopáma
Javevékatu guyráicha
Jahupytýne oimeháicha
Che rekoha mombyry
Anínteke rembyasy
Nde rapykuére opytáva
Ndénteko che ãnga jára
Reikóva iñapytîmby

Nderehénte, nderehénte
Ake ha apáyvo ha'éva
¿Oiménepuko oikovéva
Che rekove jarami?
Ndénte neañagui rei
Reiko nde jaula ruguápe
Neresêigui che rendápe
Nde járagui roñomi

¡Ha! Kuña ipy'ahatãva
Mborayhu oikuaase'ỹva
Che korasõme oñotỹva
Kyseichagua mborayhu
Oikohag̃ua chekutu
Manterei hayhupápe
Ourangue cherendápe
Ha ipepópe chepeju