Morenita Ñañaite

Otro ndéicha ahayhúva ndajuhúi che rekoháre
Ndatopávai ko yvy ári iporãva ndeichaite
Ikatúne aipo yvápe angel-kuerami oikoháre
Ajuhu nembojojáva, Tupãsy mba'émante

Ama'êrõ nderehe opaite chepirîmbáva
Ndaikuaái chéve ojehúva, rohayhúgui, che yvoty
Pyharérõ che keguýpe cheañuã, cheretûmbáva
Ha che páype añandu che jopy ne pore'ỹ

Hi'ãiténteningo chéve aimemi nde jyva ári
Ku La Muerte ou javéta ohekýi che rekove
Che añandúma amanóta mombyry nde reimehágui
Porque nde ndacherayhúigui reipotánte ajeperdé

Oiméne otro rehayhúva onacéva'ekue dichoso
Ajeve che mborayhu ãichaite redespreciá
Marãvéjepe ndoikói yvytúre chemombórõ
Porque che nde rayhupápe amanova'erã, kamba

Ikatúne sapy'ánte oguapy ne korasõre
Rehechárõanga reína osufrí nde rayhuha
Upeháreko ndave vy'a'ỹmema reikóne
Rehechátama reína ñaneaña ndovaleiha

Eñongatúkena ne akãme ko che vérsope ha'Eva
Sapy'ánte ku aháne apurahéi mombyry
Ha uperõkena ere: ¿Oimépiko oikovéva
Karia'y che rayhuetéva oñohêvanga hesay?