Batalla de Piribebuy

Yvytu kangy arai satî ogueroveve
Ku pyhareve añandu che pýre ysapy okukúi
Ñanemokyrỹi kuña mi juky ha guyra ñe'ê
Ãvako ha'e nde jeguapyhára, che Piribebuy

Ymáje ou nerãirõharã tetã mbohapy
Osunu oguyguy pe mboka guasu yvy omboryrýi
Roheja itapỹi, mbokáre pojái umi ñande sy
Maymave memby nanderejaséi, che Piribebuy

Ysyry mboypýri hatiãi rei kambáma oguahê
He'iuka ndaje aipo oipotaha oñemomirî
León Guaraní, cháke ipochy, péinama osê
Onohê ipyapê ha ambopu jovái umi inambi

Ha ñande poyvi Caballero pópe plázape oî
¡Nañentregaichéne! , he'ínte voi Ápe tamano
Ojepytaso hendive avei umi mitãmimi
Opa iku'i ha opu'ãjey hatã oñorãirõ

Cerro Hû yvate ha Nigui syry jaha ahecha
¡Nei, Mariscal! Péina añencuadrá ha cherendumi
Laurel rakãmi cinta tricolórpe péina ambojegua
Ha upéi tahasa pé Cerro Corá tamboyvotymi

Yvápe ovy'áne ñande ru yma ohómava'ekue
Ág̃aite peve umi hapekue jaiko ja-seguí
¡Vencer o morir! He'i katui Paraguáimante
Há umivarã che taropurahéi, che Piribebuy