Whiro

Te Pō Nui
Te Pō Roa
Te Pō Uriuri
Pō Kerekere
Pō Tiwhatiwha
Te Pō Taruaitū
Te Pō Whatuao
Pō Atarau
Te Pō Parauriuri
Te Pō Turu
Te Pō o Whiro
E pēhi nei
E raru nei
E mau nei

Whiro te Atua tūtūa
Whiro te Atua tuatea

Māuiui whenua
Māuiui tangata
Takahi tīkanga
Māharahara ana
Tukitukia
Wherawherahia
Ka mate kāinga tahi
Ka ora kāinga rua

Ngā kararehe tuawhenua o te ngahere, o ngā awa - kua oma
Ngā kararehe o te moana kua ngaro, ngaro noa - kua oma
Ngā kararehe tuawhenua o te ngahere, o ngā awa - kua oma
Hikohiko te ūira, haruru te whenua

Whiro te Atua taurite
Whiro te Atua tuatea

Te Marama Kūtia
Te Marama Toto Kura
E toru ngā tohu nui
He Rākaunui ka tahi
Ko Hina e tata atu
Ki ā Papatūānuku
I tōna āwhiorangi
Te āraitanga ō Rona
Ko Whiro te tūtūa
Te Atua tuatea
Kaua rawa koe e mau
I tōna ringa kōtē
Ngā whakawhiu nui
Ā Whiro ki ā Hina
Ko tā Whiro hiahia
Kia wetongia te Marama
Kia hoki te ao ki te Pōuriuri
Kia hoki te ao ki te Pōtangotango
Kia noho ko ia te Ariki o te Ao
Auare ake te tāea
I roto i te pō te Māramatanga
Ka whiti tonu mai ā Tamanui-te-rā
Ka ara tonu mai ā Hinamarama
Ka pō, ka ao, ka ea, ka awatea

Māuiui whenua
Māuiui tangata
Takahi tīkanga
Māharahara ana
Tukitukia
Wherawherahia
I roto i te pōuri te māramatanga
E whiti ana, ā kīhai i mau, i te pōuriuri