Scapricciatiello

Comme te l'aggia dí ca nun è cosa?!
Chella nun è pe' tte, chella è ‘na 'mpesa,
Che vène a dí ca è bella cchiù 'e ‘na rosa,
Si po' te veco 'e chiagnere annascuso?
Lássala, siente a me, ca nun è cosa!

Tu, p''a bionda, si' troppo onesto,
Chella è nnata pe' ll'ommo 'nzisto,
Alluntánate 'a 'sta "maésta"…
Ca te pierde, figlio 'e mammá
Nun 'o vvide ca te repassa?
Te ciancéa cu ciento mosse,
T''o ffá credere e po' te lassa,
Te fa perdere 'a libertá!

Tutt''e matine, mamma, dint''a cchiesa,
Prega, pe' tte, 'a madonna… e nun repòsa...
Jette 'o curtiello, nun fá 'o smaniuso,
Si no tu vaje 'ngalèra e 'a bionda sposa!
Curre add''a vecchia, va', cércale scusa!

Tu, p''a bionda, si' troppo onesto,
Chella è nnata pe' ll'ommo 'nzisto,
Alluntánate 'a 'sta "maésta"…
Ca te pierde, figlio 'e mammá
Nun 'o vvide ca te repassa?
Te ciancéa cu ciento mosse,
T''o ffá credere e po' te lassa,
Te fa perdere 'a libertá!

Nun 'o vvide ca te repassa?
Te ciancéa cu ciento mosse,
T''o ffá credere e po' te lassa,
Te fa perdere 'a libertá!