Gritu di Floresta

Bo leban nha pis, nha rea, nha madera
Bo misti kaba ku mi, bo misti kaba ku mi
Pa tiran nha beleza, pa roban nha natureza
Pa roban nha rikeza, pa disan na kansera

Guigui disa tchaini
Tchaini disa guigui
Guigui disa tchaini
Tchaini na ngana guigui

Tchaini na roba Guiné
Tchaini na roba Guiné

Bo bindi pis di no mares
Gosi bo kamba na no matus, na no madera
Bo furta no bens di no prasa
Gosi bo na furta na no matu
Abos ki no ratus ingratus
Koitadi povu na maltratu
Dinheru unde ki bo pui, povu ka odja niun tus
Niun pa kaneka di arus
Mesinhu na ospital no ka odjal
Na skola niun bom kartera
Nem di feru nem di madera
Ma tem guentis ku fera
ku rikeza natural di no terra
Reia na tiradu na praia di Varela
N' lembra bo ta kume karni bo danu kadenba
Bo korta maderas, bo leba
Nves di mesinhu bo tisi muta-sera

Guigui disa tchaini
Tchaini disa guigui
Guigui disa tchaini
Tchaini na ngana guigui

Tchaini na roba Guiné
Tchaini na roba Guiné

Balatu balatu ka tem galantia
Po pé di bisilon no ta korta di dia
Dus mil kontenton na kinze dia
Es mas krime, na Guiné dja é filmi
Abos bo na kurti, bo na vivi, bo na nhinhi
Povu! No lanta, no fasi marcha
No fala basta pa kil ki pasa
No kunsa na matu, no kaba na prasa
Guiné i di nos, ka no seta e tarpasa
I tciga dja ora, ali tempus na pasa
Es i pekadu o i praga?
Ki tudu mundu na bin bin paga (pabia)
Fidju di fidju di bu fidju na paga
Ka bu fala bu boka ka sta la, ka bu kala
Fidju di fidju di bu fidju na paga
Ka bu fala bu boka ka sta la, ka bu kala

Guigui disa tchaini
Tchaini disa guigui
Guigui disa tchaini
Tchaini na ngana guigui

Tchaini na roba Guiné
Tchaini na roba Guiné