Pos vezem que l'iverns s'irais

Pos vezem que l'iverns s'irais
E part se del tems amoros
Que non aug ges voûtas ni lais
Dels auzels per vergers folhos
Per lo freit del brun temporal
Non laissarai un vers a far
E dirai alques mon talan

Lonc desirier e greu pantais
N'ai agut al cor cobeitos
Yes cela qui suau me trais
Masanc ves li non fui greignos
Anz la portava el cor leial
Molt fui leugiers a enganar
Mas peccat n'aia de l'aman

No gens per autr' orgolh no m lais
De s'amor, don tan sui coitos
E conosc ben corn ben mi pais
E fui galiatz ad estros
Las! Remasutz sui del cabal
Qu'anc per autra non vole ponhar
Per me ni per mon Drogoman

Totz meschavatz, car a gran fais
Me teng, dona, quan pens de vos
Et quant n'aug parlar, m'es esglais
Et ja jorn no n serai gaujos
Qu'eu sui iratz de vostre lau
Et ai joi de vostre blasmar
E plason me tuit vostre dan

Non pose mudar que no, n biais
Ves aquel joi tant orgolhos
Qu'anc non vi orgolh non abais
Quan plus en poja, melhs cai jos
Et es fols qui ve e qui au
E si non sab son melhs triar
E n'a el siècle d'aquels tan!

Hui mais s'en fenhan drutz e lais
Cel qui non estan enoios
Qu'a totz l'esfenis e lo lais
Per so que nern soi poderos
Pos poder no'I sai ben ni mal
Ben es dreitz qu'om lo desampar
Et ai ne perdut mon afan