Mae Guerrera

Nha mama, nha amiga, mil diskulpas
Ka ta txiga tantu sofrimentu txeu briga
Nu fundu N sabi ma Deus ta kastiga
Pa nhas atus kometidus fika ta sabi
Ma N sta arependidu di kasa mutu bes
Ter fujidu bo preokupada e mi na steet perdidu
Iludidu, skesidu ma mi ki fadja pa mi bu disgadja
Kantu bes ki bu farmadja nhas atitudis so ta atrapadja
N abri pórta kasa N baza k'é pa N volta na madruga ku nha raiu
Di ganza ta fozi barudju i bo bu ta tenta diskansa para di konporta
Komu un kriansa, ma ka bu perdi speransa na nha mudansa
Talves pa midjór kantu bes bu sota-m ma N ka guarda rankor e ka so na mórti ki N sta da-u más valor
Nkuantu bu sta viva bu ta ten kel midjór
Di mi un koxi di felisidadi pa N odja-u ta ri
Kuantu di nhas trópas ki ses kotas ka sta li N ta agradesi pa mai ki N teni
Obrigadu, mama
Nha mama, bu fidju dja ka kria, é ka boka
Mutu menus di bazofaria góxi e ta djuguta tudu santu di dia
Mas foi grasas abo ki e ka konxi kadia

Miga, gerera, parsera bu koriji-m tudu nhas bestera
Bu muda nhas maneras di pensa di ser di sta bu nsina-m
Kaminhu kel ki bu ka podi da-m bu nsina-m ta ser kel ómi di manhan
Obrigadu pa sénas ki bu nsina-m

Nha mama, nha amiga, mil diskulpas ka ta txiga
Mi metidu na nhas trapadjada mas nada bo na bus rotinadas
Labanta di madrugada pa linpa skada, kansada gerera soltera
Ta sufri kalada i é kel-la ki N ta dimira pa bo N é kapás di da ar
Ki N ta respira di korason abértu ka podi sai mintira
Tenpu ta pasa i mundu ta jira ma nha amor ka muda
Kriadu na difikuldadi ta mesti ajuda bu fozi kel ki bu podi
Ki é pa po-nu ta studa nun mundu di ningen ka ta purda
Rialidadi krua pa más ki tenpu bua, nha sol, nha lua
Diskulpa si N ta pasa más tenpu na rua N ta fazeba diferenti
Si tenpu rekua, nha mai, bestera ta entra ta sai di nha kabesa
Diskulpa-m si N ka kunpri tudu nhas promésas kauza-bu dor di kabesa
N da pasus ki N kre N tropesa fodas ka nu vivi