No He Reblato

No he reblato, d'a escureldá tornato
Yo soi a boz de aquérs de qui t'has xublidato
Te beigo xorrontato, ya soi escruxinato
Mas no amortato, pues encara no he reblato

No he reblato, d'a escureldá tornato
Yo soi a boz de aquérs de qui t'has xublidato
Te beigo xorrontato, ya soi escruxinato
Mas no amortato, pues encara no he reblato

Dende as alteras tucas an bi soi tocando zielo
Dica ras fundas bals chemecando a ran de suelo
Chilo en o chelo y en o disierto buedo
Soflo en o zierzo que t'empenta maitinero
Soi ixa boz que t'ubre l'esmo batalero
Anque asobén no reconoxcan o mío emplego
Antis primero, por qué güei soi zaguero?
Yo yera la parola biba en o tuyo fuero

No dixez morir a mía boz, rebellar-bos toz
Que ro reloch no s'ature en iste inte atroz
Que á ros chicoz trozos faiga una foz
Como flors de roz en milenta cloz

Ruxia-las, cudia-las

Crexendo zereñas, dimpués replega-lás
Iste ye o trango que empezipia ra enrestida
Ya puedo adormir de nuéis, zarra ra ferida

No he reblato, d'a escureldá tornato
Yo soi a boz de aquérs de qui t'has xublidato
Te beigo xorrontato, ya soi escruxinato
Mas no amortato, pues encara no he reblato

No he reblato, d'a escureldá tornato
Yo soi a boz de aquérs de qui t'has xublidato
Te beigo xorrontato, ya soi escruxinato
Mas no amortato, pues encara no he reblato

Dizen que soi inbentata
Que garra linea escrita ye real, solo una fabla esmaxinata
Puestar sigan pantasmas que os fan ista sonata
Puestar que estié amargata, espellata y espullata

Qui ye que se'n ride en ascuitar-la?
Qui ye o que luita por alzar-la?
Esfender no ye obligar-bos a fablar-la
Pero esfender no ye afogar dica amortar-la
Mira ista maxia, chisla á chisla ruxia
Cuan plega la plebia ye plena de rabia
Mensache nimbia, chuntos femos a memoria
Empentando á ixena ra enderezera de ra istoria

Debantaz as mans si busatros soz
Parti d'iste plan, bi abrá un diya en que toz
En debantar a bista, faremos un lugar
Ta que pueda estar en un cresol polbo, boira, biento e sol

No he reblato, d'a escureldá tornato
Yo soi a boz de aquérs de qui t'has xublidato
Te beigo xorrontato, ya soi escruxinato
Mas no amortato, pues encara no he reblato

No he reblato, d'a escureldá tornato
Yo soi a boz de aquérs de qui t'has xublidato
Te beigo xorrontato, ya soi escruxinato
Mas no amortato, pues encara no he reblato

Puyando en altro ran, maitín ascuitarán
Cantas de rap farán, repuis devantarán
Con raisma luitarán, un suenio que farán
Reyalidad de raso e ras parolas tornarán
Plegarán, fluyirán, en nabatas baxarán
Brilarán, en as carreras charrarán
Biellos e chóvens, mullérs, chicoz e grans
Relingando sonitos con sentido fablarán
Beyeran d'an bi son, enta án en ban
Creyerán que ye posible un atro plan
Luitarán por remanir en ixas bals
En ixas terras xutas con espigas farán pan
Farán pan, pero no plorarán pas
Rechirarán n'a escureldá com lampas
Trespasarán as mugas e ras trampas
Trencando ra medrana como cuan a boira escampa

No he reblato, d'a escureldá tornato
Yo soi a boz de aquérs de qui t'has xublidato
Te beigo xorrontato, ya soi escruxinato
Mas no amortato, pues encara no he reblato

Adedicato á ra chen que luita por las fablas minorizatas
Porque toz somos minoria en iste planeta estricallato

Abala-ne!
Si l'aragonés no esiste pas
Iste ye ro chilo d'os pantasmas
Que te fan plorar en os tuyos suenios

Dí-le-ne á tu mai!