Sodadi Nha Tera

Nau imigrason nau
Mi n ka sta aguenta vivi lonji nha mai
Mi n ka sta aguenta vivi lonji nha pai
Imigrason nha irmon mas pikinoti
Ami n kre kel katxupa
Ki mama ta faze la na lenha
Algen ta fla kunpanheru mantenha
N kre bebe nha águ poti

Sodadi nha tera é duedu
Sodadi família é duedu
Sodadi di amigu é duedu

Kantu n poi pe na avion
Nha korason kai-m na txon
Mas é distinu ki faze-m así
Kantu n dispidi nhas irmon
Na nha pai korpu more-m
Na nha mai lágua baza-m

Stranjeru bo é ingratu
Tenpu nen pa lenbra tenpu
Tenpu nen pa n durmi sonu tudu
Labanda sedu bentu na rostu, txuba na kosta
Na kumesu n txora, lonji kaza n bira mininu
Mas invernu dja pasa dia ki n volta n kre vive
Kes brinkadera ki n pensaba ma n ta atxaba li
Karu lata sukundida, karanbola kanekinha n kre

Sodadi nha tera é duedu
Sodadi família é duedu
Sodadi di amigu é duedu

Nha tera, nha tera
Si kaminhu era di pe dja-m brasaba bo
Nha tera, nha tera
Kabu Verdi spera-m ale n ta bai
Nha tera, nha tera
Ma si kaminhu era di pe dja-m txigaba la
Nha tera, nha tera