Napule E' Na Canzone

Se vonno purtà Napule
Nun saccio a qua' paese
Miliardarie ca fanno spese
Se ne trovano 'nquantità
Nu bellu juorno, tèccote
S'appura, ditto 'nfatto
Ca Pusilleco ha fatto 'o sfratto
E 'o Vesuvio va' trova addó' sta

Ma, pe' s' 'a purtà
Nun sanno ancora comm'hann' 'a fà
No, niente ce pò
Pe' spustà Napule 'a dó' sta mo
Sì, só' migliare 'e prugette
Ma chi ce se mette
Maje niente pò fà
E tutte 'a vònno Napule
Ma nisciuno s' 'a pò purtà

Chi 'a vò' purtá in America
Chi 'a vò' purtá in Giappone
Ma ll'Europa se fa ragione
Dice: E' meglio ca resta a me
E allora va in Germania?
Va 'n Francia o in Inghilterra?
Pò succedere n'ata guerra
Pe' decidere chi ll'ha da avé

Ma, pe' s' 'a purtà
Nun sanno ancora comm'hann' 'a fà
No, niente ce pò
Pe' spustà Napule 'a dó' sta mo
Sì, só' migliare 'e prugette
Ma chi ce se mette
Maje niente pò fà
E tutte 'a vònno Napule
Ma nisciuno s' 'a pò purtà

Quanta 'ngigniere vènono
Ma che prugette fanno?
Comme vènono, se ne vanno
Se ne vanno, ma pe' turnà
Chi 'a vò' tirà cu 'o mángano
Scastrata intera intera
Chi 'a vò' spartere cu maniera
Piezzo piezzo e, po', 'a torna a 'ncullà

Ma, pe' s' 'a purtà
Mo ce 'o ccunziglio comm'hann' 'a fá
No, niente ce pò
Ma 'o mezzo è facile pe' chi 'o vò'
Quanno na bella canzone
Cu tutt' 'a passione
S'arriva a cantà
Pe' tutt' 'o munno, Napule
Dint' 'o core, se pò purtà