The Standard on the Braes o' Mar

The standard on the Braes o' Mar is up and streaming rarely
The gathering pipe on Lochnagar is sounding loud and sairly
The Hieland men, frae hill and glen
Wi' belted plaids and glittering blades
Wi' bonnets blue and hearts sae true
Are coming late and early

Oor Prince has made a noble vow tae free his country fairly
Wha wid be a traitor noo tae ane we loo sae dearly?
We'll go, we'll go and seek the foe
On land or sea, where e'er they be
And man tae man and in the van
We'll win or die wi' Cherlie

I saw oor Prince come o'er the hill wi' Drummond and Glengarry
And through the pass came brave Locheil, Panmure and gallant Murray
MacDonald's men, Clanranald's men
MacKenzie's men, MacGilivery's men
Strathallen's men, the Lowland's men
Callander and Airlie