Dreumen

refr.:
In mien dreumen zai ik 'n wereld
Woar bloumen aaltied bluien
Lucht nog zuver is
Bomen tot in hemel gruien
In mien dreumen zai ik 'n wereld
Woar elk en ain gelukkeg is
Zunne aaltied schient
'n Wereld zunder duusternis

'k Zit te vissen achter 't hoes
Woar ik in de zunne zit
'k Zai 'n beudel van 'n jong bie sloot
Op zuik noar kikkerrit
Aan haand van moeke 't lutje wicht
Dij heur eerste stapkes zet
Buurjong sjiestert mie veurbie
Op zien nije autoped

'k Zai ook 'n vraauw mit n 'patje
Dij ze tegen heur haart aandrokt
Kin van nog gain weke old
Soamen op de vlucht
'k Zai laange riegen minsen
Mit ogen kil en kold
Verdreven oet heur aigen laand
Gain toukomst, gain behold

refr.

In mien dreumen zai ik 'n wereld
Woar gain ploats is veur geweld
Hoat heurd tot 't verleden
Elk minsenleven telt
In mien dreumen zai ik 'n wereld
Woar men respect het veur mekoar
Gain grinzen minsen schaaiden
'n Wereld zunder gevoar