Che Marimi

Aipota, che Marimi, sapy'aite rehendu
Ndéve ohóva che mborayhu che korasõite guive
Porque che nde causaite hetaitéma añandu
Ku Ipohýiva mborayhu rohecha ypy guive

Tovéna ku ko'êmba kuarahy osê jave
Ahecháma reguata, nde rete ikoni koni
Mba'épa, che reindymi, rerekóva ndejehe
Ajevérõ ãichaite rohayhu, che Marimi

Ahecháramo rehasa nderehénte che ama'êva
Ha mba'e che encantaitéva, che reindy, upe nde guata
Ojajái umi nde resa ha nde áva iñapopêva
Rasaite chepy'ajukáva roipotágui chemba'erã

Trigueñita jukyete, ropea hory hory
Tyvyta jasy ra'y nde ha'e, che Marimi
Nde rete jojapami, nde rova pytãngy asy
Oguepáne che mba'asy ha'úrõ nde jurumi