Kuña korasõ ita

Ejujeýna, kamba, taimemi nde jyva ári
Aniva py'ahatãgui chereja péicha aiko
Che korasõ ojahe'o ku pytûmby og̃uahêvo
Hi'ãnte reju ko'êrõ che vy'a'ỹ emondoho

Oimépa nderesaráima reikórõ guare joayhúpe
Ko'ág̃a mba'embyasýpe cheañoreíma ajecha
Ajépaningo neaña ha'érõ nda'epaichéne
Peichaguápoku oiméne kuña korasõ ita

Ku pyhare añenórõ nacherendái che rupápe
Upémarõ asê okápe jasymírehe amaña
Che py'ami itarova ndaikuaái chéve ojehúva
Ipohýinte añandúva nderejúigui rohecha

Oiméva che areko ne ra'anga nichomíme
Nderekovia amochichîne cherenói meve Tupã
Reikuaárõ amanhã kéna ere nde py'apýpe
Ko'ág̃a ohóma yvyguýpe kuimba'e cherayhuha