Concepción jerére

Pende vállepe iko'ê
Guyra iñextrañoitéva
Concepcionera peiméva
Peñembyaty cherehe

Ko'ápe pohechase
Aunque soy desconocido
Ajúnte poñandumívo
Que sea ko ipahaite

Puerto Casado-gui aju
Ajehekýi sapy'ánte
Ndaha'éi de atorrante
Asêva amuña yvytu

Pero ko'ág̃a añandu
Penendive avy'áta
Ko'águi katu aváta
Kyvõ aheka mborayhu

Che mitã'iete guive
Aikómi pende apytépe
Primera Zona cuartélpe
Mitã akãhatãite

Trece año upehague
Ndaha'evéima soncera
Ya opáma che yvotykuéra
Upe tiémpope guare

Ko'ág̃a aju añatõimívo
Ko'ã opu'ã pyahúva
Ndaipóripa cherayhúva
Guaina ra'y morotî

Che-suertese michîmi
Amoneî la che áma
Porque che ya añandupáma
Tujágui añemo'ãguî

Chemborari ko ro'y
Ha asê ajeheka
Ndatopáipa cheirûrâ
Ho'oporãva peky

Taikoygua térã itavy
Jepémo taikarape
Ndaha'éitama guive
Aquellos áva mbyky

Ha upévare ajapurá
Ko ivaíva ro'ýpe
Aiko dos peligros guýpe
Che ratã térã akaipa

Che-suertese sapy'a
Ha asê tanimbupágui
Mamá cocina ruguágui
Aityvyro che chara

Peju tapohechami
Lozanas concepcioneras
Amombe'úta che réra
Ikatúnte poserví

Chéko aikóva añemi
De esta selva lejana
Che ha'e Guyra Campana
Guyra pepo morotî